Mga Sangkap:
- 1 1/2 lb (680 g) tinadtad na karne ng baka pampa-nilaga
- 1/2 kutsarita (2 ml) asin
- 1/2 kutsarita (2 ml) paminta
- 2 tbsp (30 ml) mantikilya
- 1 tinadtad na sibuyas
- 3 butil ng bawang, dinikdik
- 1/3 tasa (75 ml) tomato paste
- 1/4 tasa (60 ml) liver spread
- 2 tbsp (30 ml) patis
- 2 tbsp (30 ml) toyo
- 3 tasa (750 ml) mababang asin na sabaw ng baka
- 2 dahon ng laurel
- 3 katamtamang laki na patatas, binalatan at hiwain ng tig-isang pulgada
- 2 katamtamang laki na karot, binalatan at hiwain ng tig-isang pulgada
- 1 pulang bell pepper, hiniwa ng tig-isang pulgada
- 1/2 tasa (125 ml) sariwa o frozen na mga gisantes
- 1/4 tasa (60 ml) 35% whipping cream
- 1 tasa (500 ml) gadgad na Cheddar, hinati
Pagluluto:
- Timplahan ang baka ng asin at paminta. Samantala, sa isang malaking kaserola sa katamtamang mataas na init, tunawin ang mantikilya. Ihalo ang baka at lutuin ng 6 hanggang 8 minuto, paghaluin paminsan-minsan hanggang sa magsimulang mamula. Ihalo ang sibuyas at bawang at lutuin ng 3 hanggang 5 minuto hanggang lumambot.
- Ihalo ang tomato paste at liver spread at lutuin para sa 2 hanggang 3 minuto, hanggang sa mabango at magsimulang mag-caramelize. Paghaluin ang sabaw ng karne ng baka, patis, toyo, at laurel, at i-scrape ang anumang latak na dumikit sa ilalim ng kaserola. Pakuluan, pagkatapos ay bawasan ang init hanggang kumulo. Takpan at lutuin ng 45 hanggang 55 minuto, haluin paminsan-minsan, hanggang sa malambot ang baka.
- Ihalo ang mga patatas at karot. Pakuluan, pagkatapos ay dahan-dahang lutuin (simmer) ng 6 hanggang 8 minuto, o hanggang sa malambot ang patatas. Ihalo ang bell pepper, gisantes, whipping cream, at 1/2 tasa (125 ml) Cheddar cheese, hanggang sa matunaw ang keso.
- Para ihain, ilipat sa isang serving dish at budburan ng natitirang 1/2 tasa (125 ml) Cheddar cheese, at ihain kasama ng mainit na kanin.
Tip
- Kung gusto mo ng kaunting anghang, ihalo ang hiniwang sili kasabay ang mga gisantes sa Hakbang 3.
- Mag-eksperimento sa iba’t ibang mga keso tulad ng Monterey Jack cheese o mozzarella cheese.